Դժբախտ պատահարներից ապահովագրություն
| Ապահովագրության կանոններ 1 |
²å³Ñáí³·ñáõÃÛ³Ý å³Û³Ù³Ý³·ñÇ í»ñ³ÏÝùÙ³Ý ¨ í»ñ³Ó¨³Ï»ñåÙ³Ý Ï³ñ·Ý áõ å³ÛÙ³ÝÝ»ñÁ |
Ապահովագրության սակագներ |
| Պայմանագրի կնքման կարգ |
Մենք բոլորս ենք մտահոգված մեր ֆինանսական խնդիրներով ու կենսական պայմաններով և փորձում ենք հնարավորինս նվազեցնել մեզ սպառնացող ֆինանսական կորուստներն ու ռիսկերը` ապահովելով մեր ընտանիքի բարեկեցությունը: Այնուհանդերձ կյանքի բոլոր բնագավառներում ռիսկն անխուսափելի է: Ապահովագրությունը կերաշխավորի հավանական ռիսկերի և պատահարների արդյունքում առաջացած Ձեր կորուստների վերականգնումը:
Դժբախտ պատահարներից և (կամ) հանկարծակի հիվանդություններից ապահովագրություն գծով «ՌԱՍԿՈ»-ն առաջարկում է երկու կանոններ`
ա) «Դժբախտ դեպքերից և/կամ հանկարծակի հիվանդություններից կամավոր ապահովագրության» կանոններ (Կանոններ 1), որոնց հիման վրա կնքված ապահովագրության պայմանագրերով ՌԱՍԿՈ-ի կողմից մեկ ապահովագրված անձի գծով ատանձնած պատասխանատվության չափը` ապահովագրական գումարը կարող է կազմել մինչև 500 000 (հինգ հարյուր հազար) ՀՀ դրամ,
բ) «Դժբախտ դեպքերից և/կամ հանկարծակի հիվանդություններից կամավոր ապահովագրության» կանոններ (Կանոններ 2), որոնց հիման վրա կնքված ապահովագրության պայմանագրերում ՌԱՍԿՈ-ի կողմից մեկ ապահովագրված անձի գծով ստանձնած պատասխանատվության չափը չպետք է պակաս լինի 500 000 (հինգ հարյուր հազար) ՀՀ դրամից:
Ապահովագրական հատուցումների իրականացման կարգից ու պայմաններից բացի մնացած բոլոր դրույթներով Կանոններ 1-ը և Կանոններ 2-ը ամբողջությամբ համընկնում են:
Ապահովագրված անձինք
Կանոններ 1-ի և Կանոններ 2-ի համաձայն Ապահովագրված անձ կարող է լինել 65 տարեկանը չլրացած ֆիզիկական անձը, որը չի հանդիսանում I խմբի հաշմանդամ, չի տառապում օնկոլոգիական հիվանդություններով, ՁԻԱՀ-ով (ՍՊԻԴ) և այլ հիվանդություններով, որոնք կապված են մարդու իմունոդեֆիցիտի համաճարակի հետ:
Պայմանագրով նախատեսված դեպքում` Կանոնների համաձայն կարող են ապահովագրվել նաև 65 տարեկանը լրացած անձինք` միայն դժբախտ պատահարների ռիսկերով:
Կանոններ 1-ով և Կանոններ 2-ով դժբախտ դեպքերից կարող են ապահովագրվել նաև տրանսպորտային միջոցներով փոխադրվող ուղևորները (Ավտոմեքենայի ուղևորների և վարորդի դժբախտ պատահարներից ապահովագրություն):
Ապահովագրական պատահարներ (ռիսկեր)
Այս ապահովագրության համար ապահովագրական պատահարներ (ռիսկեր) են հանդիսանում`
- դժբախտ պատահարի հետևանքով Ապահովագրվածի աշխատունակության ժամանակավոր կորուստը.
- դժբախտ պատահարի հետևանքով Ապահովագրվածի աշխատունակության մշտական կորուստը բացառությամբ հաջորդ ենթակետով նախատեսված դեպքերի.
- դժբախտ պատահարի հետևանքով աչքի կամ վերջույթի կորուստը.
- վնասվածքի, սուր թունավորման և այլ դժբախտ պատահարների հետևանքով Ապահովագրվածի մահը.
- բնական պատճառների արդյունքում Ապահովագրվածի աշխատունակության ժամանակավոր կորուստը.
- բնական պատճառների արդյունքում Ապահովագրվածի աշխատունակության մշտական կորուստը.
- բնական պատճառների արդյունքում Ապահովագրվածի մահը:
Ապահովագրությունը կարող է իրականացվել ինչպես վերոնշյալ բոլոր ապահովագրական պատահարներից, այնպես նրանցից յուրաքանչյուրից կամ մի քանիսից:
